Thursday 15 February 2007

உன்னில் நுழைய..





















சேமித்து வைத்த மெளனங்கள்,
என்னை கேலி செய்ய,
நான் தாளை எடுத்தேன்,
என் நேசத்தை வார்த்தைகளாய் பிரசவிக்க;

எழுதிய வார்த்தைகளை விடவும்,
எழுதப்படா மெளனங்கள் அதிகரிக்க,
அவற்றை கோர்த்து மாலையிட்டேன்,
உன் நிழலுக்கு.

உன்னை நோக்கி,
நான் எடுத்து வைத்த அடிகளை,
கணக்கில் கொண்டால்,
உலகையே அளந்து விடலாம்,
ஆனால் உன்னை இன்னும்
நெருங்க முடியவில்லை;

வானத்து சூரியனாய்
நீ இருக்க,
சுட்டெரித்தாலும்
நிழல் தேடா உயிராய் நான்;

உன் நினைவுகள் என்னை எரித்து,
பிடிசாம்பலாய் மாறினாலும் காத்திருப்பேன்,
காற்றோடு கலந்து,
உன் சுவாசமாய்
உன்னில் நுழைய..