Friday 26 January 2007

உண்மையின் உண்மை..




















விரல்களின் ஊடே வடியும் வார்த்தைகள்
என்றும் தொட்டதில்லை
உண்மையின் விளிம்பை;

நாவில் பழகும் இனிய சொற்கள்
என்றும் சொன்னதில்லை
உண்மையின் சொல்லை;

முகத்தில் தெரியும் குறிப்புகள்
என்றும் காட்டியதில்லை
உண்மையின் உருவத்தை;

தேங்கி நிற்கும் உண்மைகளை
வழிய விட்டால்
கன்னத்து கோடுகளும் சாட்சியாகிவிடுமென
நீ
கண்களை மூடியதை
என் கண்கள் கண்டுக்கொண்டன;

கண்களில் தெரியும் ஏதோ ஒன்று
காட்டி கொடுத்துவிடுகிறது
உண்மையின் உண்மையை.